عنوان الموضوع : أفكار لمشروع الأحياء مدارس الامارات
مقدم من طرف منتديات بيت الامارات النسائي


السلام عليكم ورحمة الله وبركاته
اشحالكم ..^^

انا يبتلكم فكرة عن مشرووع الأحياء .. وان شا الله يعيبكم ..اهو يباله شغل شوي ..بس شغل حلوو ..مب مكلف ..وان شا الله تاخذون عليه درجة حلوه ..

اول شي تختارون الموضوع اللي بتتكلمون عنه .. مثلا ناخذ عن الامراض الوراثيه ..والوراثه

1_ دوري معلومات عن هالموضوع .. بس مب كلام وااايد الواحد يمل وهو يقراه .. لا .. معلومات وتطبعينها بشكل حلوو .. وتصميم مرتب ..ومعلومات قيمه مب الكل يعرفها ..مثلا عن زواج الاقارب ونتايجهاا وجيه . واطبعيها .. ولفيها بشكل مرتب ووزعيهاا على المعلمات ..

هذي اول خطوه .. واذا وحده قررت اتسوي هالشي جان تباني اصمم لها ورقة اا زاهبه بس ييبي المعلومات وانا بسويلج وعقب انتي طبعي الورقة ووزعيهاا ..

2_ سوي لج بطاقة تعريف للقروب من البنات اللي وياج واكتبي فيها اسمج واسم المشروع ((العنوان اللي بتختارونه لمشروعكم لازم يكون مميز وملفت)).. وعلقوها فرقبتكم جيه جنكم موظفين فمكان ^^ وطبعا القصد من هالحركه هو ان الكل لازم يعرف انكم تخدموون فهالاسبوع الفلاني مشروع الاحيا. وطبعا يكون العنوان ينفهم منه انه عن الوراثة

3_وسوو بوربوينت بسيط جداا .. وحلو ويفتح النفس ^^ وروحي انتي والقروب تبعج واطلبي من ابلتكم توديكم مدرسه ثانيه عشان تشرحون هالمشروع لطالبات .. مع توزيعات بعد بسيييطه للمدرسه اللي انتو رايحيلها جي تقريباا 15 وردة تكفي ^^

لا تكلفون على نفسكم ..وصدقيني بيكون مشروع ناجح ..هذا لوو رضت الأبله طبعا كل ابلة تبا مشروع على كيفها ههه
في ابلات يقتنعون فبوربوينت عادي .. حليلهم .^^ وابلات يبون يشوفون شغل او مجسم وجيه ..وابلات ما يرضون بأقل من الابدااع ..واللي بيسوي هالشغل اصراحه يعتبر ابدااع .. طبعا اذا سويتو اللي قلت لكم عن بإتقان

ولا تنسون التقرير اللي يصحب المشروع ..اكتبو فيه نبذة اول شي صفحتين عن الوراثه وجيه .. وعقب عن شغلكم فالمدرسه اللي روحتولها مع التصوير امممم ..

وصدقووني كل المعلمات بيرمسون عن مشروعكم ..خاصه انكم وزعتو عليهم اوراق وما نسيتوهم ههه .. ووصلتو بمشروعكم لمدرسه ثانيه
بس يوم تروحون شرحكم مايكون عااد حصه كامله .. ربع ساعه وقت الفسحه بس ^^

هالمشروع سويناه بس غيرت لكم بعض الافكاار .. وابلتنا اسانست عليه واااااااايد ^^

والسموحه ع القصور .. وادعوولي بالخير ^^

واللي ماعيبته الفكره لا يدعي علي .. هههه

طبعا انا مايعيبني اييب مشاريع زاهبه تعال وخذ ..مب حلو .. حلو ان نتعب فمشاريعنا عشان نحس ان نستاهل الدرجات اللي خذناها




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوووووورة الغلا

والله ماتقصرين

انزين الغلا

ممكن نتوااصل عالايمييييل

اذا راضيه

طرشيلي ايمييييلح ع الخااصه


عسسب اتشجعيين عالمشرووع

انا مشروعي مشترك

بين فيزيا واحياا




__________________________________________________ __________

>>>> الرد الثاني :

ما شاء الله علبيج وان شاء الله الأعضالء يستفيدووووووون
يسلمووووووو ع المجهود الطيب منج




__________________________________________________ __________

>>>> الرد الثالث :

مشكووووووووووووووووووووووووووووورة




__________________________________________________ __________

>>>> الرد الرابع :

a;vhhh




__________________________________________________ __________

>>>> الرد الخامس :

شكراااااااااا************تعديل




فكرة حلووووووة جدا





يزآج اللهْ آلفً خير وتسلمين حبيبتيً ع الآفكٍآر وف ميزآن حسناتَجغلـٍآ