مديرة مدرسة تقف في وجه معلمة ............
عنوان الموضوع : مديرة مدرسة تقف في وجه معلمة ............
مقدم من طرف منتديات بيت الامارات النسائي
السلام عليكم ورحمة الله وبركاته
اوجه تحيتي للجميع
معلمتي اللي هي اغلى شي عندي , هذي ابلة تدرسني مادة من المواد العلمية وهي ماشاء الله
عليها شرحها في قمة الروعة . المهم هي نفسها تدرس فصل ثاني من الفصول الثانوية
وهي تصلح امتحان الصف الثاني تفاجئت بالدرجات , درجة الامتحان من40 بنات هذا الصف يايبين اقل من 20 تخيلوا في احد ييب هذي الدرجات يمكن الاولى يابت 25 , راحت الابلة تودي اوراق الامتحان حق المديرة , انصدمت المديرة من الدرجات ...
تعرفون شو قالت المديرة حق الابلة
على فكرة ترى هذي الابلة تدرس في مدرسة ثانية يومين في مدرستنا وثلاث ايام في المدرسة الثانية ..
قالت لها انتي مب مستواج تدرسين الثانوية انتي مستواج تقعدين في البيت او انج تدرسين في المدرسة الثانية ..
لو انتي مستواج تدرسين المرحلة الثانوية جان مايابوا البنات هذي الدرجات .
بس انا اقولكم انها الابلة شرحها في قمة الروعة الغلط مب من الابلة الغلط من البنات ,
شوو رايكم باسلوب المديرة
والله حرام انا مصدومة الابلة اللي كل بنات صفنا يموتون عليها يصير فيها جيه .
شورايكم في الموضوع ابغي ردود مقنعة .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الإنسان مب كامل والمديره اسلوبها غلط في التعامل
يعني عندنا دفعة عاشر ما شيء أكسل عنهم دفعتنا قبل ما كانت جذا ,, ما حد قال إن الغلط من المعلمات ,, الغلط ملاحظ ومعروف من البنات المهملات وعندهم سوالف الحب والخرابيط ولا يذاكرون
أسلوب المديره هب شيء المفروض تحضر حصص من حصصها عسب تشوف شرحها مو تحكم ع ورق امتحان !
__________________________________________________ __________
>>>> الرد الثاني :
والله المديره غلطانه صرااااحه
زين على الاقل تحضر بعض حصصها
ولا تسير عند معلمه ثانيه تأخذ امتحان منها وتشوف
وعن الاهمال صراااااااحه كل البنات مهملات
فأالله يعنكم اذا ما عرفتوا تحلوا امتحان التقويم كيف بتعرفوا
تحلوا امتحان اخر السنه
الامتحان بيكووون عكس امتحان التقووووووويم
يعني كله يعتمد على تفكير الطلاب
مع تحيات الوزير الي يبغي يدمر كل ما بنيناه
مع تحيات ابيخ سنه مرت على كل طالب وطالبه
والله يعين الجميع
__________________________________________________ __________
>>>> الرد الثالث :
__________________________________________________ __________
>>>> الرد الرابع :
المديرة غلطانه من راسها لي ساسها وبصراحه اكثر دفعه مضلومه الثاني عشر العلمي والادبي والاكثر العـــــــــــــــــــــــــــــــــــــلمي ؟؟ بس من الذوق انها تحضر حصص لهذه الابلة المظلومه وبعدين تحكم لكن فاقد الشيء لا يعطيه ؟؟ وبكل احترام وتقدير ادعو الله ان الله يصبر هذي الابله على مديرتها ؟؟؟ اذا المدرسه شرحها روعه و البنات يفهمون عليها الغلط مب من المدرسه الغلط من البنات وبنات هذا الجيل حب وغرام و عشق وسواف عبيطه ؟؟ ما يبن يذاكرن ولا ينتبهن حق دراستهن؟؟
__________________________________________________ __________
>>>> الرد الخامس :
اي مديره هاي
حاطينها طب اكيد في الاداره - الله يعينكم
اكثر المديرات قليلات اداره
اهم شيء في المدرسة بحسب ظني هي الادارة قبل التعليم ، ومن صفات المديرة انها تتحلي بالاسلوب الحسن في المعاملة والتحقق من فعل كل شيء ،يعني هذا الاسلوب ليس في مكانه المناسب ،بصراحة تامة اغلب بنات هذه الايام في ضياع ،يعني العيب ليس من المدرسة .
